A review by khaldun
The Screwtape Letters by C.S. Lewis

4.0

الكتاب مكّون من رسائل بين ثنين شياطين (سكروتايب و وورم وود) الأول - حسب الصيغة الي يكتب بيها - رئيس موسوسين أقدم وعنده علاقة عائلية مع الثاني، الثاني الي عنده أمتحان وسوسة حقلي (للحصول على شهادة الممارسة) وجاي يرسل تقارير يومية لعمه يطلب بيها النصح مرات ويبين الموقف للأشخاص الي جاي يوسوسلهم والخ.
بين خطط ونصائح عن الفجوات الي ممكن الشيطان يكدر يدخل بيها من تصرفات وطبائع البشر ونتائجهم الثقافية والمجتمعية الكتاب متنوع بآراء سكان العالم السفلى والحجي الجبير عنها، من الحب والكراهية للديمقراطية والتعليم وهواي بعد.
مشكلتي الوحيدة - بالرغم من كوني استمتعت هواي بالكتاب - انو المعلومات هاي (بتصرف مرات) مصدرها معروف الي هو الدين والمسيحية بالضبط، فيعني شنو الجديد؟ ماهو الشياطين بكل الاديان معروفين بكذا صفات. صح، بس فنياً الكتاب صياغته جميلة وممتعة وفلسفة سكروتايب تنطي نظرة ثانية عن المعلومات الدينية المذكورة بالكتب السماوية.