A review by todomal
Futility or the Wreck of the Titan by Morgan Robertson

4.0

Fora da sua curiosidade como surpreendente precedente da tragédia do Titanic — e nom só nas qualidades "infundíveis" dos paquebotes, mas na irresponsabilidade dos armadores, as asseguradoras, etc — é umha novela que serve como exemplo perfeito da literatura de finais do XIX. Suficientemente bem escrita como para que a força da tensom narrativa nom caia sobre o próprio acidente do barco, mas na negociaçom com as companhias asseguradoras e que isso nom signifique um demérito para o leitor. Escrita numha época na que a "literatura de aventuras" era já um tópico conhecido — por isso a absoluta "normalidade" no tratamento do ataque do urso — e onde a propaganda do "sonho americano" de reconstruçom vital nom tem que ser dissimulada nem perfilada com muita precisom; é umha ferramenta narrativa mais.

Na figura do derrotado marinho a navegar no iceberg atlântico e nos despachos londinenses vemos um herói inusual polo seu ateísmo, mas nom nos é desconhecida a sua trajetória vital. É por isso que nom se deve desbotar a novela como umha "curiosidade histórica" e desfrutá-la como um resumo, umha sublimaçom para público entendido, da evoluçom da novela do século XIX cara a literatura do XX. Mas umha pequena joia escolhida pola editorial para surpreender as leituras fieis. :D