A review by nasab
السيرك الليلي by Erin Morgenstern

adventurous inspiring lighthearted mysterious relaxing slow-paced

• Plot- or character-driven? Character
• Strong character development? Yes
• Loveable characters? Yes

5.0

كيف أعرف ان الرواية تستاهل خمسة نجوم؟ إذا قرأتها وما حسيت ابغى أقرأ شي بعدها، أبغى فترة اتأمل واستوعب كيف أثرت الرواية فيني، لما ما اتخطاها بسرعة وتبقى في بالي. السيرك الليلي من هذه الروايات.
أعتقد هذه أول مرة اقرا فيها رواية حبكتها مي قوية ورتمها بطيء ومع ذلك استمر اقراها بحماس بسبب الأجواء اللي تخليني اعيشها وانا اقراها. كتاب سحري أسرني وشدني وسحبني لعالم مليء بالخيال لمدة قصيرة. احس بطء الحبكة قرب القصة للحياة الحقيقية بشكل ما. في واقعنا ما فيه حبكة ومشكلة نحلها بسرعة ونوصل للنهاية. الأمور تاخذ وقت وصعب تحديد النهاية لأن القصص متداخلة، قصتي وقصتك تتأثر ببعض، النهاية تعتمد على المنظور بس فعليًا الحياة تستمر والقصة تتكمل معاها. 

تمنيت لو أقدر أزور سيرك الأحلام في الحقيقة مو بس في خيالي. عجيب كيف كل زوار السيرك مقتنعين أنه خداع مع انه كله سحري، بس ايش معنى السحر بتعريف الكتاب؟

المفترض أنه شي أي أحد يقدر يتقنه لو بس حاول وفرغ له وقت بس مع سرعة الحياة والانشغال نسيوه الناس. صار أسهل عليهم انهم يكذّبوا وجوده ويستمتعوا بالعرض بدون ما يركزوا.

الناس ترى ما تريد أن تراه، وفي أغلب الأحيان ما يقال لهم أن يروه.

مقدمة الكتاب بعنوان "الترقب" مشوقة وتدخل جو، من أفضل المقدمات اللي قريتها في الروايات.
فيه أشياء ما تفسرت بس مو مضايقني الموضوع، وهذا نادر يصير لي.. فعليًا سحرني الكتاب XD
شكلي باعطيه ٥/٥ بس عشان اجواؤه الخرافية وكيف يغير مزاجي وينقلني لعالم ثاني في خيالي.