Scan barcode
A review by mohamedhabeb
ميرامار by Naguib Mahfouz
4.0
ميرامار
هذه الخلطة العجيبة من الشخصيات المرسومة ببراعة شديدة ..
أول مرة قرأت لنجيب محفوظ .. قرأتله واحدة من أفضل و أغرب روياته "حديث الصباح و المساء" .. و عشان هى اسلوبها عجيب جداً و صعب واحد لسه مبتدئ فى القراءة يفهمها .. مكملتهاش و سبتها و قلت بتسرع "أسلوب نجيب محفوظ ده غريب و مبيعجبنيش" .. و لكن بعد "ميرامار" غيرت رأيى.
لما جيبتها بالمكتبة .. جبتها عشان سببين .. السبب الأولانى عشان مكنتش لاقى كتاب حلو غير ال3 كتب اللى جبتهم .. و عشان كنت عايز ادى لنفسى فرصة أعرف نجيب محفوظ أكتر :)
أكتر الحاجات اللى عجبتنى فى أسلوب نجيب محفوظ .. الأسلوب المتقاطع اللى بيجمع بين الماضى و الحاضر .. يكون بيتكلم عن شخصية فى الحاضر .. و مرة واحدة يتكلم عنها فى الماضى .. و العجيب فى الأمر انك مش بتتوه و بتتأقلم مع الاسلوب .. بل و بتستمتع به كمان.
و عجبنى كمان إنه كان بيحكى الأحداث بلسان حال الشخصيات .. يعنى كل فصل كان بيتكلم عن أحداث البانسيون "ميرامار" بوجهة نظر كل شخصية .. الحدث كان بيتكرر أربع مرات و كل مرة كان بيكون بمنظور مختلف بيبين اختلاف شخصيات أبطال الرواية :)
الشخصيات المرسومة ببراعة .. كل شخصية تكون كارهها .. و لما يجى الفصل بتاعها تحبها و تتعاطف معاها .. كل الشخصيات أنا كرهتها فى وقت من الأوقات و اتعاطفت معاها .. لكن أكتر شخصيات حبيتها هم "زهرة و منصور باهى و عامر وجدى ".
التشويق فى جريمة القتل .. كل واحد كان له دوافع انه يقتل سرحان البحيرى .. كل واحد من أول زهرة الفلاحة الغلبانة .. لحد منصور باهى المذيع - اللى اعترف بجريمة القتل .. و فى الاخر تلاقى ان سرحان البحيرى انتحر.
رواية تحفة .. بس عيبها الوحيد الملل فى بعض الأجزاء .. 4/5 :)
هذه الخلطة العجيبة من الشخصيات المرسومة ببراعة شديدة ..
أول مرة قرأت لنجيب محفوظ .. قرأتله واحدة من أفضل و أغرب روياته "حديث الصباح و المساء" .. و عشان هى اسلوبها عجيب جداً و صعب واحد لسه مبتدئ فى القراءة يفهمها .. مكملتهاش و سبتها و قلت بتسرع "أسلوب نجيب محفوظ ده غريب و مبيعجبنيش" .. و لكن بعد "ميرامار" غيرت رأيى.
لما جيبتها بالمكتبة .. جبتها عشان سببين .. السبب الأولانى عشان مكنتش لاقى كتاب حلو غير ال3 كتب اللى جبتهم .. و عشان كنت عايز ادى لنفسى فرصة أعرف نجيب محفوظ أكتر :)
أكتر الحاجات اللى عجبتنى فى أسلوب نجيب محفوظ .. الأسلوب المتقاطع اللى بيجمع بين الماضى و الحاضر .. يكون بيتكلم عن شخصية فى الحاضر .. و مرة واحدة يتكلم عنها فى الماضى .. و العجيب فى الأمر انك مش بتتوه و بتتأقلم مع الاسلوب .. بل و بتستمتع به كمان.
و عجبنى كمان إنه كان بيحكى الأحداث بلسان حال الشخصيات .. يعنى كل فصل كان بيتكلم عن أحداث البانسيون "ميرامار" بوجهة نظر كل شخصية .. الحدث كان بيتكرر أربع مرات و كل مرة كان بيكون بمنظور مختلف بيبين اختلاف شخصيات أبطال الرواية :)
الشخصيات المرسومة ببراعة .. كل شخصية تكون كارهها .. و لما يجى الفصل بتاعها تحبها و تتعاطف معاها .. كل الشخصيات أنا كرهتها فى وقت من الأوقات و اتعاطفت معاها .. لكن أكتر شخصيات حبيتها هم "زهرة و منصور باهى و عامر وجدى ".
التشويق فى جريمة القتل .. كل واحد كان له دوافع انه يقتل سرحان البحيرى .. كل واحد من أول زهرة الفلاحة الغلبانة .. لحد منصور باهى المذيع - اللى اعترف بجريمة القتل .. و فى الاخر تلاقى ان سرحان البحيرى انتحر.
رواية تحفة .. بس عيبها الوحيد الملل فى بعض الأجزاء .. 4/5 :)