A review by zarlynsnook
Bahay ni Marta by Ricky Lee

challenging reflective sad tense fast-paced

5.0

Ito ang unang nobelang nabasa ko mula sa may-akda ngunit pamilyar na sa akin ang ilan sa mga akda niya sa pelikula at tv. Bigla kong naalala noong una kong mapanood isang pelikulang isinulat niya. Wala akong ideya sa tungkol saan ang kuwento noon ngunit sinundan ko ang mga karakter hanggang sa matapos ito. At dahil sa labis na pagkamangha ko sa pelikula,ay wala na akong nasabi kundi ' bakit ngayon ko lang 'to napanood?'Ganoon din ang naging karanasan ko sa pagbabasa ng kuwentong ito. Sa mga unang salita pa lang, hindi ko na binitawan ang mga karakter. Noong una ay para ba akong nanood ng isang dokumentaryo sa aking isip,ang paraan ng pgkukuwento ng may-akda ay tila lente ng kamera at sinusundan ang bawat kilos ng piping bata hanggang marating nito ang bahay ni Marta. Mula sa dokumentaryo ay tila naging pelikula naman ang mga sumunod na eksena. Mabuti na lamang at mabilis ang takbo ng kuwento dahil sa masalimuot na mga kaganapan, akala ko ay hindi ko ito kayang tapusin pa dahil sa takot ko para sa mga karakter. Nang matapos ko na ang libro wala na naman ang nasabi kundi 'Bakit ngayon lang ako nakapagbasa ng libro ni sir Ricky Lee?' 
Expand filter menu Content Warnings