A review by pudding_uwu
The Spanish Love Deception by Elena Armas

emotional funny lighthearted tense slow-paced
  • Plot- or character-driven? Character
  • Strong character development? Yes
  • Loveable characters? Yes
  • Diverse cast of characters? Yes
  • Flaws of characters a main focus? Yes

5.0


حرفياً اكثر كتاب قرأته بحكم مسبق و سلبيه و انزعاج من حجم الكتاب الكبير بس خلصته وانا واقعه بالحب و متمنيه لو انه في تكمله للقصة! تحمست اقرأ الكتاب الثاني للكاتبه من جمال اسلوبها وبالذات انه الكتاب الثاني عن Rosalynn وقريب Lina اللي اسمه Lucas.

فيه شوي سلبيات صغيره في تجربتي مع هالكتاب مثل التمطيط في البداية ، يعني زي دراما الشغل و هالتفاصيل المملة كانت ممكن تكون مثيره للأهتمام اكثر لو انها انذكرت في وقت لاحق من الكتاب ، و كمان مثل الوصف الزايد لعيون Aaron الزرقاء او طوله و عرض اكتافه. وبرضو فيه جمل وكلمات اسبانيه كثير و مع انه كان وجودها مزعج لكن كان معنى الكلام واضح من تسلسل الأحداث . مع كذا ما هان علي اني انقص بتقييمه ، مره استمتعت بهالكتاب و كأني اتابع مسلسل صيفي!

ان كان فيه شيء يخليني ما ابي اودع الكتاب فهو Aaron blackford ، التغير الجذري في شخصيته من بدايه الكتاب لنهايته من احلى تطور الشخصيات اللي قرأتها في هالنوع من الكتب. حرفياً احب كل شيء فيه من شخصيته لتعامله مع Lina و كميه حبه لها! صح انه اسم على ورقة بس الكاريزما حقته تعدت الغلاف الجوي he’s definitely my ultimate book husband 
آخر مره حسيت هالنوع من الاحساس في كتاب كان مع atlas corrigan من سلسله It ends with us

و Catalina على قد ما نرفزتني في البدايه بسبب قراراتها اللامنطقيه لكن كل شيء انشرح مع الأحداث وصرت افهمها و احبها كثير. 

الشخصيات الجانبيه في هالكتاب معظمهم لطيفين و كان ظهورهم خفيف و معقول.

 وشيء غريب و هو اني بكيت خلال هالكتاب مرتين ، رغم انه ما في شيء محزن و حتى في الكتب الحزينه ما ابكي غالباً بس يمكن الكتب اللطيفه اللي زي كذا تحرك شيء فيني وتخليني ارتبط مع الشخصيات اكثر.

عجزت اختار فصل مفضل من هالكتاب لأنه حرفياً كل فصل احلى من اللي قبله! و شيء فاجأني و هو الجرأة في المشاهد الحميمية ، احياناً ما كنت اصدق عيوني من اللي اقرأه….
مستحيل كنت اتوقع اني راح اقرأ اللي قرأته لو حكمت على الغلاف لحاله.


درجة استمتاعي بالكتاب ١٠ من ١٠

انهيت كتابي الواحد و الثلاثين⭐️