A review by tawfek
مغامرات آل سبايدرويك العدسة السحرية by Tony DiTerlizzi

3.0

جرعة الفانتازيا بتزيد الجزء ده
بعد الجزء الأول و ظهور الجني ثيمبلتاك
بيظهر الجزء ده غيلان و بعبع و وحش بركة عملاق و جريفين جريح
و جنية صغيرة بتطير زي بتوع تنكربل
الأخوات الثلاثة بيستمروا في مقابلة المخاطر بسبب اكتشافهم كتاب المخلوقات السحرية
بتيجي الغيلان تختطف سايمون
و لازم جارد و مالوري ينقذوه بس لازم يجمعوا عدسة سحرية عشان يعرفوا يشوفوا بيها المخلوقات السحرية لان كلها غير مرئيين للعين المجردة
بس بنلاقي حل للموضوع ده بعد كده البعبع اللي اسمه ملعبك و نسيته اصلًا جروكسل باين بيبصق في عيون الاطفال و من بعدها بيقدروا يشوفوا المخلوقات السحرية للابد
بيحاول جارد و مالوري ينقذوا سايمون بس الغيلان وحوش مفترسة برغم صغر حجمهم و بيطاردهم عشرة منهم بس بيتخلصوا منهم بخطة ذكية بانهم يجروهم لوحش البحيرة و هو بيتصرف معاهم و بياكلهم
سايمون ابو قلب رقيق و رهيف بيصعب عليه الجريفين و بيتعاون الاطفال انهم يرجعوا الجريفين للبيت عشان يعالجوه من جراحه
انا كده تقريبًا حرقت الرواية كلها اي خدمة