Take a photo of a barcode or cover
radwaashraf 's review for:
شبيك لبيك 2
by دينا محمد يحيى
الأمنية التانية من كشك عم شكري، وبنبعد خالص عن عالم عزيزة الفقير وأمنياتها، وبنروح لمستوى اجتماعي تاني وشخصية في سن مختلف بس برضة بمشكلات حقيقية أوي. وسعيدة بالربط اللي حصل بين القصتين.
نور طالب في الجامعة ومشكلته هي الاكتئاب. مشكلة ناس كتير بيمروا بيها ما بين اللي بيعترفوا بده وما بين اللي بيكبتوا مشاعرهم عشان دي "مش مشكلة حقيقية" وده عمل ستيغما عن الاعتراف بالاكتئاب والسعي لمعالجته. بنشوف هنا تغلغل الأمنيات في المجتمع زي وجود جامعات بتدرس الأمنيات وقواعد بيانات متابعة الأمنيات ورخصها واختلاف استخدام الناس للأمنيات باختلاف الطبقات، وطبعا الطبقية في التفكير في الأمنية: أن الوحيد المؤهل أن يمسك أمنية ويتمنى حاجة لازم يكون من مستوى اجتماعي معين ومتعلم بطريقة معينة عشان مثلا ميتمناش حاجة غلط؟ بتفقد فكرة الأماني الخيالية العنصر الخيالي وبتبقى حاجة واقعية جدا.
حبيت ظهور العيادات النفسية اللي لسة فيه تحيز ضدها في المجتمع المصري، حسيت باكتئاب نور لأني متعايشة معاه وكمان كل السخرية من المحيطين أو كلام من نوعية "ايه يعني اللي يخليكي زعلانة؟" كان مألوف أوي. مش دايما بقرأ حاجات عربية كتيرة بتتعامل مع مرض نفسي بشكل كويس أو بتطرحه من غير ما تهاجم الشخص المصاب بالمرض النفسي.
نور طالب في الجامعة ومشكلته هي الاكتئاب. مشكلة ناس كتير بيمروا بيها ما بين اللي بيعترفوا بده وما بين اللي بيكبتوا مشاعرهم عشان دي "مش مشكلة حقيقية" وده عمل ستيغما عن الاعتراف بالاكتئاب والسعي لمعالجته. بنشوف هنا تغلغل الأمنيات في المجتمع زي وجود جامعات بتدرس الأمنيات وقواعد بيانات متابعة الأمنيات ورخصها واختلاف استخدام الناس للأمنيات باختلاف الطبقات، وطبعا الطبقية في التفكير في الأمنية: أن الوحيد المؤهل أن يمسك أمنية ويتمنى حاجة لازم يكون من مستوى اجتماعي معين ومتعلم بطريقة معينة عشان مثلا ميتمناش حاجة غلط؟ بتفقد فكرة الأماني الخيالية العنصر الخيالي وبتبقى حاجة واقعية جدا.
حبيت ظهور العيادات النفسية اللي لسة فيه تحيز ضدها في المجتمع المصري، حسيت باكتئاب نور لأني متعايشة معاه وكمان كل السخرية من المحيطين أو كلام من نوعية "ايه يعني اللي يخليكي زعلانة؟" كان مألوف أوي. مش دايما بقرأ حاجات عربية كتيرة بتتعامل مع مرض نفسي بشكل كويس أو بتطرحه من غير ما تهاجم الشخص المصاب بالمرض النفسي.