You need to sign in or sign up before continuing.
Take a photo of a barcode or cover
itzella0's Reviews (121)
انتهت السبت يوم ١٥ مارس لعام ٢٠٢٥، الساعة ١٠:٣٥ مساءً وبابا عند دكتور القلب، يارب بقى يكون كويس بإذن الله.
ااااااه، مش عارفة ايه مشكلتي مع كلمات زي heir والأغلفة الخلّابة بس ها نحن ذا.
وريثة اللهيب هي رواية فانتازية young adult، بتتكلم عن تيّا، وهي أميرة لمملكة إيرسيا، بعد موت والديها، واقتراب أخوها اللي بيكرهها لتولي العرش، بيحشرها بالزاوية وبيتحكم بحياتها بأنه مجهز لها زيجة زفت غصب عنها، في تلك الأثناء، فيه حركة تمردية على التاج الملكي وهو مش عارف يوصل لمخبأهم السري أو يقبض على أي قادة. بتبدأ تيّا في فورة يأسها تستخدم مكرها وذكائها عشان توصل لأي عضو من أعضاء الحركة دي وتكسب ثقتهم عشان تقدر تجمع معلومات عنهم وتقدمها لأخوها مقابل إنه يتركها في حالها ويعطيها منصب في المجلس.
ولكن بعض الخطط مش بتجري كما هي توقعت.
شوف يخي، توقعاتي كانت عالية جدًا جدًا جدًا، والمشكلة إنه فيها كل اللي أنا ميّالة له 😭 ايه بقى اللي حصل غلط؟ أيوا بالضبط، هي وتيرة الرواية، وتيرة الرواية كانت بطيئة بعض الشيء على القصة الكبيرة دي، يعني أحس الرواية كان ممكن تتنقح شوية ثلاثة عشان تطلع بشكل أفضل.
الشيء الهام بالرواية إنه الكاتبة مكانتش اعطت عمق كاف للشخصيات بالبداية، ودا ضايقني، بس أنا غالبًا عشان كنت مستعجلة الرواية هتبدأ امتى لول، التقديم عمل فيّ عمايل، ولكن الرواية ككل متماسكة إلى حدٍ ما.
شخصية البطلة، تيّا كارثان، الأميرة الصغرى، والأخت غير الشقيقة للأمير الذهبي چورا، السيكوباتي، العنيف، بتعيش في رعب ورهبة منه، لدرجة إنها بتقعد كل يوم تخطط إزاي تقدر تخلص من قبضته اللي بتخنقها، ومحاولاته لاغتيالها المتكررة، والتخلص منها، كل دا أدى لتكون شخصيتها بشكل مشوه تمامًا، بنت صغيرة مش عارفة تعيش كويس بدون ما تحاول تجمع معلومات عن اللي حولها، بتتجهز لأي فخ يرسله أخوها، بتبتز الوزراء وأعضاء المجلس، بتحارب بذراعها وأسنانها، ولو تقدر تبيع العالم كله عشان تقدر تعيش، كانت عملتها.
أحم أحم بدون حرق. 🌚
لذلك شخصية البطلة هي كانت أكثر شيء مثير للاهتمام بالرواية كلها، للأسف الأشد من الشديد إنها لها جزء ثان (حسبي الله ونعم الوكيل فيّ)، ولسه لم ينزل بعد. هل كانت أفضل شيء قرأته بحياتي؟ لأ، هل غيرت حياتي؟ لأ كذلك، هل كانت حلوة؟ يب، فيها شخصية بطلة ماكرة ومستعدة تحرق العالم عشان تنجو، فيها خيانة، فيها سياسة، like bro is the whole package. هل أرشحها؟ أيوا طبعًا، مادام كملتها يبقى حلوة معروفة هه.
ااااااه، مش عارفة ايه مشكلتي مع كلمات زي heir والأغلفة الخلّابة بس ها نحن ذا.
وريثة اللهيب هي رواية فانتازية young adult، بتتكلم عن تيّا، وهي أميرة لمملكة إيرسيا، بعد موت والديها، واقتراب أخوها اللي بيكرهها لتولي العرش، بيحشرها بالزاوية وبيتحكم بحياتها بأنه مجهز لها زيجة زفت غصب عنها، في تلك الأثناء، فيه حركة تمردية على التاج الملكي وهو مش عارف يوصل لمخبأهم السري أو يقبض على أي قادة. بتبدأ تيّا في فورة يأسها تستخدم مكرها وذكائها عشان توصل لأي عضو من أعضاء الحركة دي وتكسب ثقتهم عشان تقدر تجمع معلومات عنهم وتقدمها لأخوها مقابل إنه يتركها في حالها ويعطيها منصب في المجلس.
ولكن بعض الخطط مش بتجري كما هي توقعت.
شوف يخي، توقعاتي كانت عالية جدًا جدًا جدًا، والمشكلة إنه فيها كل اللي أنا ميّالة له 😭 ايه بقى اللي حصل غلط؟ أيوا بالضبط، هي وتيرة الرواية، وتيرة الرواية كانت بطيئة بعض الشيء على القصة الكبيرة دي، يعني أحس الرواية كان ممكن تتنقح شوية ثلاثة عشان تطلع بشكل أفضل.
الشيء الهام بالرواية إنه الكاتبة مكانتش اعطت عمق كاف للشخصيات بالبداية، ودا ضايقني، بس أنا غالبًا عشان كنت مستعجلة الرواية هتبدأ امتى لول، التقديم عمل فيّ عمايل، ولكن الرواية ككل متماسكة إلى حدٍ ما.
شخصية البطلة، تيّا كارثان، الأميرة الصغرى، والأخت غير الشقيقة للأمير الذهبي چورا، السيكوباتي، العنيف، بتعيش في رعب ورهبة منه، لدرجة إنها بتقعد كل يوم تخطط إزاي تقدر تخلص من قبضته اللي بتخنقها، ومحاولاته لاغتيالها المتكررة، والتخلص منها، كل دا أدى لتكون شخصيتها بشكل مشوه تمامًا، بنت صغيرة مش عارفة تعيش كويس بدون ما تحاول تجمع معلومات عن اللي حولها، بتتجهز لأي فخ يرسله أخوها، بتبتز الوزراء وأعضاء المجلس، بتحارب بذراعها وأسنانها، ولو تقدر تبيع العالم كله عشان تقدر تعيش، كانت عملتها.
أحم أحم بدون حرق. 🌚
لذلك شخصية البطلة هي كانت أكثر شيء مثير للاهتمام بالرواية كلها، للأسف الأشد من الشديد إنها لها جزء ثان (حسبي الله ونعم الوكيل فيّ)، ولسه لم ينزل بعد. هل كانت أفضل شيء قرأته بحياتي؟ لأ، هل غيرت حياتي؟ لأ كذلك، هل كانت حلوة؟ يب، فيها شخصية بطلة ماكرة ومستعدة تحرق العالم عشان تنجو، فيها خيانة، فيها سياسة، like bro is the whole package. هل أرشحها؟ أيوا طبعًا، مادام كملتها يبقى حلوة معروفة هه.
انتهت، بشكل غريب جدًا، يوم الجمعة ٧ مارس عام ٢٠٢٥، الساعة ١٢:٤٨ مساءً، وداخلة أنام عشان عندي كلية.
ايه
الخرا
اللي
قرأته
دة؟
مش بهزر بس دا براز صرف، خام، بحت فحت تحت. دخلت الرواية بدون ما اقرأ نبذة ولا أفهم بيتكلم عن ايه، وياريتني ما دخلت قرأت أصلًا، ايه الهدف طيب؟ ايه الرسالة؟ ايه المغزى؟
ناتسوكي هي بنت غريبة، بتفكر إنها عندها قدرات سحرية لما اشترت دبدوب على شكل قنفذ اسمه بيّوت، وهي بتعتقد انه كائن فضائي من كوكب بينبينبوبيا -مش متذكرة اسم الكوكب يخربيت العبط- الرواية بتتكلم عن رحلتها الحياتية مع الخاطرة دي بالذات، لحد ما تستفحل وتفكر إنها كائنة فضائية هي بذاتها.
أغرب رواية قرأتها بحياتي. أرشحها مش عشان هي حلوة، بل عشان عايزة أحد ثان يتعذب فيها زي ما اتعذبت.
أطمح أكتب شيء غريب أطوار ومفجع ومرعب ويثير القشريرة والتقزز زي دا بصراحة.
ايه
الخرا
اللي
قرأته
دة؟
مش بهزر بس دا براز صرف، خام، بحت فحت تحت. دخلت الرواية بدون ما اقرأ نبذة ولا أفهم بيتكلم عن ايه، وياريتني ما دخلت قرأت أصلًا، ايه الهدف طيب؟ ايه الرسالة؟ ايه المغزى؟
ناتسوكي هي بنت غريبة، بتفكر إنها عندها قدرات سحرية لما اشترت دبدوب على شكل قنفذ اسمه بيّوت، وهي بتعتقد انه كائن فضائي من كوكب بينبينبوبيا -مش متذكرة اسم الكوكب يخربيت العبط- الرواية بتتكلم عن رحلتها الحياتية مع الخاطرة دي بالذات، لحد ما تستفحل وتفكر إنها كائنة فضائية هي بذاتها.
أغرب رواية قرأتها بحياتي. أرشحها مش عشان هي حلوة، بل عشان عايزة أحد ثان يتعذب فيها زي ما اتعذبت.
أطمح أكتب شيء غريب أطوار ومفجع ومرعب ويثير القشريرة والتقزز زي دا بصراحة.
انتهت الخميس ٢٧ فبراير لعام ٢٠٢٥، الساعة ٦:٤٢ مساءً، قبل العشاء.
لن أكذب، الغلاف جذبني، وأنا من أكبر المعجبين بأي شيء محتواه عن مصاصي الدماء، فلكم أن تتخيلوا قاومت كم أسبوع عشان بالأخير اقرأه بكل حماس.
ويعني الرواية لم تخيب. الرواية بتتكلم عن واحد اسمه إدواردو ڤيلالوبوس، وهو شاب شاف بأم عينيه مقتل والديه على يد مصاصة دماء، ولما بيبلغ البوليس مش بيصدقوه، بيحاول يبحث عن قاتلة والديه عشان ينتقم، ولكن بينقلب السحر على الساحر والقاتلة دي بتحوله للشيء اللي بيكرهه، وعشان يحاول يعكس تأثير اللعنة بتاعة مصاصي الدماء اللي اصيب بها، بتقوده أبحاثه لمدينة كدا اسمها ديل أورو، وهناك بيقابل البطلة اللي اسمها كارولينا فينتوس، اللي من أول لحظة حرفيًا بتحاول تقتله عشان هو مصاص دماء، ولكن بيحاولوا سوا يجنبّوا خلافاتهم على بعض عشان يعثروا على أصل اللعنة بحيث يقضوا على جميع مصاصي الدماء.
خلوني أقول، استمتعت جدًا، كانت تشيزي شوية في بعض المواضع، ولكن بشكل عام كانت ممتعة، وعموما حتى لو الكتابة كانت سيئة والقصة بيض، كنت برضو هستمتع بها لمجرد وجود مصاصي دماء فيها أصلًا، عيني بتزغلل عند سيرتهم. 🤩
الأجواء المكسيكية كانت رائعة ومنعشة، بحب أي حاجة فيها المكسيك عمومًا، بالتالي حبيت الأوصاف والملابس وحتى شنب البطل عجبني، للدرجة دي كنت سمب.
قصة الحب كانت كيوت، هي الرواية موجهة للمراهقين لأنه الابطال مراهقين، ودا واضح من قصة حبهم العبيطة جدًا إلا إنها كانت مسلية. كفاية بس إنه البطل خجول 💋💋 لايك هذا هو ذوقي يا ناسسس، البطلة قوية، وواثقة من نفسها وفوقها متكبرة بس عاجباني اخخخ. يعني بحب الديناميكية دي عشان تعبت من البطلات الخجولات، شوية تغيير حلو.
القصة ككل، وشخصيات العائلة اللي كان إدواردو -أو لالو زي ما كانوا بينادوه- مضطر يتحملهم، كانوا متنوعين والواحد يقدر يفرق ما بينهم رغم إنهم كانوا كثير بصراحة. يمكن تعليقي الوحيد هي النهاية حسيتها كانت متسرعة شوية، آخر مئة صفحة حسيت الكاتبة عايزة تخلص من الرواية بأي شكل، ولكن، عجبتني، أرشحها، مناسبة للقراءة برمضان كمان، تعتبر بلا مشاهد. وبس والله، لازم الواحد يحترم الكتب العسل اللي زي دي. 😍
Song: Ariele e calibano - sineterra.
لن أكذب، الغلاف جذبني، وأنا من أكبر المعجبين بأي شيء محتواه عن مصاصي الدماء، فلكم أن تتخيلوا قاومت كم أسبوع عشان بالأخير اقرأه بكل حماس.
ويعني الرواية لم تخيب. الرواية بتتكلم عن واحد اسمه إدواردو ڤيلالوبوس، وهو شاب شاف بأم عينيه مقتل والديه على يد مصاصة دماء، ولما بيبلغ البوليس مش بيصدقوه، بيحاول يبحث عن قاتلة والديه عشان ينتقم، ولكن بينقلب السحر على الساحر والقاتلة دي بتحوله للشيء اللي بيكرهه، وعشان يحاول يعكس تأثير اللعنة بتاعة مصاصي الدماء اللي اصيب بها، بتقوده أبحاثه لمدينة كدا اسمها ديل أورو، وهناك بيقابل البطلة اللي اسمها كارولينا فينتوس، اللي من أول لحظة حرفيًا بتحاول تقتله عشان هو مصاص دماء، ولكن بيحاولوا سوا يجنبّوا خلافاتهم على بعض عشان يعثروا على أصل اللعنة بحيث يقضوا على جميع مصاصي الدماء.
خلوني أقول، استمتعت جدًا، كانت تشيزي شوية في بعض المواضع، ولكن بشكل عام كانت ممتعة، وعموما حتى لو الكتابة كانت سيئة والقصة بيض، كنت برضو هستمتع بها لمجرد وجود مصاصي دماء فيها أصلًا، عيني بتزغلل عند سيرتهم. 🤩
الأجواء المكسيكية كانت رائعة ومنعشة، بحب أي حاجة فيها المكسيك عمومًا، بالتالي حبيت الأوصاف والملابس وحتى شنب البطل عجبني، للدرجة دي كنت سمب.
قصة الحب كانت كيوت، هي الرواية موجهة للمراهقين لأنه الابطال مراهقين، ودا واضح من قصة حبهم العبيطة جدًا إلا إنها كانت مسلية. كفاية بس إنه البطل خجول 💋💋 لايك هذا هو ذوقي يا ناسسس، البطلة قوية، وواثقة من نفسها وفوقها متكبرة بس عاجباني اخخخ. يعني بحب الديناميكية دي عشان تعبت من البطلات الخجولات، شوية تغيير حلو.
القصة ككل، وشخصيات العائلة اللي كان إدواردو -أو لالو زي ما كانوا بينادوه- مضطر يتحملهم، كانوا متنوعين والواحد يقدر يفرق ما بينهم رغم إنهم كانوا كثير بصراحة. يمكن تعليقي الوحيد هي النهاية حسيتها كانت متسرعة شوية، آخر مئة صفحة حسيت الكاتبة عايزة تخلص من الرواية بأي شكل، ولكن، عجبتني، أرشحها، مناسبة للقراءة برمضان كمان، تعتبر بلا مشاهد. وبس والله، لازم الواحد يحترم الكتب العسل اللي زي دي. 😍
Song: Ariele e calibano - sineterra.
انتهت السبت ١٥ فبراير، الساعة ١٠:١٠ مساءً.
Meh.
كانت قصة قصيرة جدًا، وعادية، رغم اني حسيت ممكن تكون أطول شوية بس يلا، ولكن حلوة نوعًا ما.
Meh.
كانت قصة قصيرة جدًا، وعادية، رغم اني حسيت ممكن تكون أطول شوية بس يلا، ولكن حلوة نوعًا ما.
انتهت الأربعاء ١٢ فبراير لعام ٢٠٢٥، الساعة ٣:٥٩ دقيقة بالتحديد، وإمبارح كان يوم ميلاد بابا، عملت له فطيرة بالموز. 🥳
نبدأ بالرواية، ديافلو، وهي كلمة إيطالية تعني الشيطان، هي رواية تنتمي لتصنيف الرعب، بتحكي عن آنا بايس، وهي مدعوة في رحلة عطلة صيفية مع أسرتها في ڤيلا مؤجرة بإيطاليا، وفي دماغها مهمة واحدة بس تنفذها: أنها تنجو من رخامة عائلتها، لكنها بتكتشف إنه فيه حاجة شريرة جدًا عايشة في البيت، والحاجة دي بتخرب حياتها لدرجة لا يمكن تصورها.
الرواية دي فيها كل شيء وأكثر! يعني أشباح وأجواء قوطية وحركات وبركات، وشهيق وزفير وعفريت بيجري وراك من قارة لقارة ومش فاهم يعني ايه مساحة شخصية بربع جنيه، وشخصيات تخليك عايز تهبدهم في الحيط، تجربة ممتعة وأليمة.
ممتعة لأني استمتعت بكل لحظة بالرواية -ما عدا بعض الأجزاء عن ميول البطلة، مالها داع بأمانة- ولأنها سلطت الضوء على فرد العائلة اللي دائمًا بيكون منبوذ، بيكون عليه اللوم في كل شيء، الفرد المش مظبوط، البطة السوداء عمومًا.
وأليمة، عشان كمية الوصف عن شخصية آنا، وإزاي خاضت حياتها، وإزاي بدأت بالتدريج حياتها تنزل تحت تحت للهاوية، البنت كانت بتتجنن، وأنا كنت بتجنن معها، كان فيه أوقات بقرأ وبقف شوية وبسأل نفسي ايه اللي حصل بجد؟ اللي بقرأه بجد ولا هلوسات البطلة؟
لو بتحبوا وقوع الشخصيات للجنون والعته، فهي دي الرواية، مناسبة جدًا. الوصف كان جميل، والسرد، وكمية الخمرة اللي بالرواية تكفي أجيال 😭😭 وحوارات البطلة مع عائلتها كانت بتعصبني، والمشكلة كنت مش عارفة اتعاطف مع مين، البطلة ولا هم. بس على كلٍ، الرواية متكاملة، إلى حدٍ ما، وكان فيها أجزاء مرعبة فعلًا. أرشحها طبعًا، روحوا اقرأوها.
Song: Lucky love - Michael seyer.
نبدأ بالرواية، ديافلو، وهي كلمة إيطالية تعني الشيطان، هي رواية تنتمي لتصنيف الرعب، بتحكي عن آنا بايس، وهي مدعوة في رحلة عطلة صيفية مع أسرتها في ڤيلا مؤجرة بإيطاليا، وفي دماغها مهمة واحدة بس تنفذها: أنها تنجو من رخامة عائلتها، لكنها بتكتشف إنه فيه حاجة شريرة جدًا عايشة في البيت، والحاجة دي بتخرب حياتها لدرجة لا يمكن تصورها.
الرواية دي فيها كل شيء وأكثر! يعني أشباح وأجواء قوطية وحركات وبركات، وشهيق وزفير وعفريت بيجري وراك من قارة لقارة ومش فاهم يعني ايه مساحة شخصية بربع جنيه، وشخصيات تخليك عايز تهبدهم في الحيط، تجربة ممتعة وأليمة.
ممتعة لأني استمتعت بكل لحظة بالرواية -ما عدا بعض الأجزاء عن ميول البطلة، مالها داع بأمانة- ولأنها سلطت الضوء على فرد العائلة اللي دائمًا بيكون منبوذ، بيكون عليه اللوم في كل شيء، الفرد المش مظبوط، البطة السوداء عمومًا.
وأليمة، عشان كمية الوصف عن شخصية آنا، وإزاي خاضت حياتها، وإزاي بدأت بالتدريج حياتها تنزل تحت تحت للهاوية، البنت كانت بتتجنن، وأنا كنت بتجنن معها، كان فيه أوقات بقرأ وبقف شوية وبسأل نفسي ايه اللي حصل بجد؟ اللي بقرأه بجد ولا هلوسات البطلة؟
لو بتحبوا وقوع الشخصيات للجنون والعته، فهي دي الرواية، مناسبة جدًا. الوصف كان جميل، والسرد، وكمية الخمرة اللي بالرواية تكفي أجيال 😭😭 وحوارات البطلة مع عائلتها كانت بتعصبني، والمشكلة كنت مش عارفة اتعاطف مع مين، البطلة ولا هم. بس على كلٍ، الرواية متكاملة، إلى حدٍ ما، وكان فيها أجزاء مرعبة فعلًا. أرشحها طبعًا، روحوا اقرأوها.
Song: Lucky love - Michael seyer.
انتهت الجمعة يوم ٣١ يناير لعام ٢٠٢٤، الساعة ٨:٢٣ مساءً. اقول ايه بس.
وريثة الجساد تحكي عن سيلڤيا واسمها الحقيقي عصية وهي واحدة من المتبقيين من مملكة الجساد السحرية الزائلة وهي الوريثة الشرعية للحكم، عندها قدرات سحرية ولكن فيه أغلال مخفية بتمنع استخدامها للسحر، بتقابل وريث المملكة اللي حرقت ودمرت مملكتها عن بكرة أبيها وبيطارد بقايا أبناء جساد وهو أرين، وبيعملوا صفقة ويتكاتفوا معًا عشان يدربها تكون البطلة المتوجة لمنافسة من عدة مراحل بتقيمها الممالك اسمها الكلاها أو الصلاحة. -والله مش عارفة النطق بس شكله عربي 😭-
بغض النظر إني تعبت من ثيمة سكويد جايم وألعاب الجوع اللي قاعدة تتكرر في الفانتازيا، لكن الحبكة كانت جميلة، نظرًا لتكامل الشخصيات. الكتاب كله على بعضه أقدر أصفه إنه متجانس، وهذا ما يسمى بكتابة فانتازيا رومانسية ببناء عالمي كامل ومعه تروب أعداء لأحباء، مع العلم إنه أحلى حاجة بالكاتبة إنها لم تدفع التروب في وجه القارئ وتليطها بل كتبت وقدمت شيء فعلًا يتقرأ ويتحس. -اتعلموا يا كُتاب البوكتوك 🥸-
شخصية سيلڤيا أو عصية -والله برضو مش عارفة نطق اسمها، سواء عِصية أو إسية😭-، كانت معقدة ومن عدة طبقات، بدايةً من حقيقة إنها يدوب عرفت تهرب وتنجو من الإبادة اللي تعرضت لها مملكتها، مملكة كاملة انهارت في يوم وليلة تقريبًا، ووصولًا إلى إزاي أحداث حياتها تركتها بذاكرة مشوهة عن حياتها السابقة ببلدها وهي هربانة ومستخبية في بلد غريب تحت اسم مستعار، حاسة بعار شديد من أصلها، ومش مؤمنة بأنها مسؤولة عن أبناء وطنها اللي بيتعرضوا للتنكيل والقتل والحرق والصيد، ولا أي شيء، كل اللي عايزاه حياة هادئة في القرية الريفية اللي انتهى بها المطاف بعد هروبها.
كل دا بيتشقلب لما بيدخل حياتها، القائد العسكري لمملكة نيزاهل وهي المملكة اللي تسببت بتدمير حياة سيلڤيا، أرين ذو الحنكة والذكاء اللي كل البلدان بتخاف منه تقريبًا بسبب فرك عبقريته وقبضته اللي من حديد، الرجل دا بقى بيقفشها في مرة، ومن ساعتها بيحاول يثبت إنها جسادية -من أهل جساد يعني-. مراوغات للصبح والله 😭😭 هي تروح كدا هو يروح كدا، هي تروح هناك هو يروح هناك. نمو علاقتهم كان آسر، نمو بطئ، حرفيًا زحف، أنا دخلت الرواية وأنا مش عارفة استعد لإيه بالضبط، بس زحف زحف، أبطأ من السلحفاة كمان، لدرجة إنه ارتعاشة يد واحدة منهم كنت بلونها عشان احتفل مخصوص، وضعي كان صعب. مش قادرة أعدّ كم مرة هي ضربته وهو غرز خنجر في جسمها، يا وجع الاعداء لأحباء يجدع.
أما البناء العالمي، كنت كل شوية ارجع للخريطة لحد ما فقدت الأمل، أحلى حاجة إنها مستوحاة من الثقافة المصرية، وكنت مفكرة إنه بس عشان نهر هيرون اللي بيمر بكل الممالك، بس طلع كمان الاكل المصري موجود، لقيتها في وسط الرواية كاتبة ممبار وأنا كنت 🤯🤯 الممبار بتاعنا؟ بتاعنا إحنا؟ الذوق 💋، دا غير البليلة والبصارة والعيش البلدي وحاجات ثانية، في كل مرة كان فيه كلمة عربية مكتوبة بشبه فرانكو كدا كنت بنبسط وأكون سعيدة.
الرواية كانت ذات وقع متوسط، لم تكن سريعة ولا بطيئة بنفس الوقت، تمهيد الرواية كان يدوخ شوية عشان العالم جديد عليّ، ودي مشكلة في كل روايات الفانتازيا عمومًا، مشكلتي كانت أحيانًا بالأوصاف، بحس الكاتبة لم تنجح في إيصال بعض الصور للقارئ ودا أزعجني، رغم إنه لغة الرواية مش صعبة أوي، أنا قرأت أصعب منها قبل كدا، فيمكن الكاتبة تعوض دا بالجزء الثاني.
يؤسفني أقول إنها رواية مش مشهورة، ومش لاقية فان آرتس كثيرة لها *بكاء غزير* لذلك رجاءً روحوا اقرأوها، عشان تتشهر والناس تعرفها ويعملوا فان آرتس نتفرج عليها كلنا. 😭💛
وريثة الجساد تحكي عن سيلڤيا واسمها الحقيقي عصية وهي واحدة من المتبقيين من مملكة الجساد السحرية الزائلة وهي الوريثة الشرعية للحكم، عندها قدرات سحرية ولكن فيه أغلال مخفية بتمنع استخدامها للسحر، بتقابل وريث المملكة اللي حرقت ودمرت مملكتها عن بكرة أبيها وبيطارد بقايا أبناء جساد وهو أرين، وبيعملوا صفقة ويتكاتفوا معًا عشان يدربها تكون البطلة المتوجة لمنافسة من عدة مراحل بتقيمها الممالك اسمها الكلاها أو الصلاحة. -والله مش عارفة النطق بس شكله عربي 😭-
بغض النظر إني تعبت من ثيمة سكويد جايم وألعاب الجوع اللي قاعدة تتكرر في الفانتازيا، لكن الحبكة كانت جميلة، نظرًا لتكامل الشخصيات. الكتاب كله على بعضه أقدر أصفه إنه متجانس، وهذا ما يسمى بكتابة فانتازيا رومانسية ببناء عالمي كامل ومعه تروب أعداء لأحباء، مع العلم إنه أحلى حاجة بالكاتبة إنها لم تدفع التروب في وجه القارئ وتليطها بل كتبت وقدمت شيء فعلًا يتقرأ ويتحس. -اتعلموا يا كُتاب البوكتوك 🥸-
شخصية سيلڤيا أو عصية -والله برضو مش عارفة نطق اسمها، سواء عِصية أو إسية😭-، كانت معقدة ومن عدة طبقات، بدايةً من حقيقة إنها يدوب عرفت تهرب وتنجو من الإبادة اللي تعرضت لها مملكتها، مملكة كاملة انهارت في يوم وليلة تقريبًا، ووصولًا إلى إزاي أحداث حياتها تركتها بذاكرة مشوهة عن حياتها السابقة ببلدها وهي هربانة ومستخبية في بلد غريب تحت اسم مستعار، حاسة بعار شديد من أصلها، ومش مؤمنة بأنها مسؤولة عن أبناء وطنها اللي بيتعرضوا للتنكيل والقتل والحرق والصيد، ولا أي شيء، كل اللي عايزاه حياة هادئة في القرية الريفية اللي انتهى بها المطاف بعد هروبها.
كل دا بيتشقلب لما بيدخل حياتها، القائد العسكري لمملكة نيزاهل وهي المملكة اللي تسببت بتدمير حياة سيلڤيا، أرين ذو الحنكة والذكاء اللي كل البلدان بتخاف منه تقريبًا بسبب فرك عبقريته وقبضته اللي من حديد، الرجل دا بقى بيقفشها في مرة، ومن ساعتها بيحاول يثبت إنها جسادية -من أهل جساد يعني-. مراوغات للصبح والله 😭😭 هي تروح كدا هو يروح كدا، هي تروح هناك هو يروح هناك. نمو علاقتهم كان آسر، نمو بطئ، حرفيًا زحف، أنا دخلت الرواية وأنا مش عارفة استعد لإيه بالضبط، بس زحف زحف، أبطأ من السلحفاة كمان، لدرجة إنه ارتعاشة يد واحدة منهم كنت بلونها عشان احتفل مخصوص، وضعي كان صعب. مش قادرة أعدّ كم مرة هي ضربته وهو غرز خنجر في جسمها، يا وجع الاعداء لأحباء يجدع.
أما البناء العالمي، كنت كل شوية ارجع للخريطة لحد ما فقدت الأمل، أحلى حاجة إنها مستوحاة من الثقافة المصرية، وكنت مفكرة إنه بس عشان نهر هيرون اللي بيمر بكل الممالك، بس طلع كمان الاكل المصري موجود، لقيتها في وسط الرواية كاتبة ممبار وأنا كنت 🤯🤯 الممبار بتاعنا؟ بتاعنا إحنا؟ الذوق 💋، دا غير البليلة والبصارة والعيش البلدي وحاجات ثانية، في كل مرة كان فيه كلمة عربية مكتوبة بشبه فرانكو كدا كنت بنبسط وأكون سعيدة.
الرواية كانت ذات وقع متوسط، لم تكن سريعة ولا بطيئة بنفس الوقت، تمهيد الرواية كان يدوخ شوية عشان العالم جديد عليّ، ودي مشكلة في كل روايات الفانتازيا عمومًا، مشكلتي كانت أحيانًا بالأوصاف، بحس الكاتبة لم تنجح في إيصال بعض الصور للقارئ ودا أزعجني، رغم إنه لغة الرواية مش صعبة أوي، أنا قرأت أصعب منها قبل كدا، فيمكن الكاتبة تعوض دا بالجزء الثاني.
يؤسفني أقول إنها رواية مش مشهورة، ومش لاقية فان آرتس كثيرة لها *بكاء غزير* لذلك رجاءً روحوا اقرأوها، عشان تتشهر والناس تعرفها ويعملوا فان آرتس نتفرج عليها كلنا. 😭💛
