siren224's reviews
534 reviews

المخوزق by أشرف فقيه

4.0

مش عارفه ابدا الريفيو منين
هبدا من نهايه الروايه
غاظتني غيظ رهيب
كان نفسي يرجع للسلطان ويقوله علي كل حاجه

هي روايه حلوه بس كانه جمع كل افلام الرعب اللي شافها في كتاب واحد

ودي حاجه مش وحشه

برافو للكاتب انه خلاني ااقرا عن اصل دراكولا ودخلت دورت علي معلومات عنه

عجبني اوووي انه طلع اورهان مؤمن اوي بس برده بيغلط زي اي حد

مش قادره اتخيل مقدار الظلم اللي كان فيه الدوله العثمانيه وفي نفس الوقت بفكر ان سلطه الكنيسه كانت افظع من كده
وانه ربنا امرنا نفتح البلاد بس معتقديش ان ال عثمان كانوا بيرتكبوا الفظايع اللي حكوا عنها علي لسان ولاد الشيطان !

في حاجه دايما بتحيرني في التاريخ العثماني انه ليه كان لازم الاخ يقتل اخوه لما يعتلي العرش

انا طلعت من الروايه دي باقتناع تام ان الظلم ظلمات وانك لو عايز تعمل ارهاب دور علي الاطفال اللي اتظلموا زمان وهاتهم سهل تعملهم ارهابيين كمان سلاح الدين مهم اوي

اللي مش فاهماه ازاي ولاد دراكولا طول الوقت بيقولوا ان احنا ولاد الشيطان مع انهم برده بيقولوا سلاح الانين رجع للانتقام من الكفره الاتراك ونصره يسوع !!!!!!


روايه حلوووووه جدا وحبكتها جامده اوي

استمر

ليتها تقرأ by خالد الباتلي

1.0

امممم ملل ملل ملل

عشق by أحمد عبد المجيد

4.0

مش عارفه ابدا منين
في حاجات كتيره اوي في دماغي مش عارفه ارتبها
انا خلصت الروايه دي في يوم عجيب
بمعني اصح يوم سيء اوي
بس حسيت انها جت كانها بلسم علي قلبي

اول الروايه ممل اوي بس لما فكرت لقيت انه بيحكي عن ايامنا وحياتنا بدقه
الغرور واننا عايزين نكون احسن من اي حد حتي لو وقعنا اللي قدامنا

ان في حاجات في ايدينا جتلنا سهله بس لمجرد انها سهله مش شايفنها عن ايناس اتحدث

فكره ان الشكر مش موجود في حياتنا واننا شايفين نفسنا دايما الاحق بالنعمه طيب ليه نشكر ربنا من الاساس

الحب اللي بقي كلمه سهله ورساله او بوست علي الفيس بوك

استغربت حكايه ريهام ومش فاهمه ازاي بتحب حد خذلها اوي كده وكان نفسي اعرف هيحصلها ايه بتوقع انها انتحرت
بس انا حاسه ان الايجو جواها فظيع

نادر شخصيته مبالغ فيها شويه
في بقي حاجات مش مقتنعه بيها انه يعيش مع اطفال الشوارع ويشتغل في محل قصب عشان يكسر نفسه
وفي نفس الوقت لو ده بيحصل في الحقيقه فانا بحسد اللي بيعمله

عجبني اوي كلامه عن الصوفيه
انا من زمان عندي فضول كبير اوي ناحيتهم
وعجبني القصائد لدرجه اني قررت هقرا كتب اكتر عنهم

نهايه الروايه شويه مش منطقيه بس بجد لو في الواقع كده كانت دنيتنا بقت احسن

روايه حلوه
خدتني لعشق انا كنت بفكر فيه بس مش بتعمق
وفتحتلي ابواب جديده

الأوباش by خيري شلبي

3.0

روايه كئيبه جداا
دايما روايات خيري شلبي بتوهني اوي من كتر الاشخاص اللي فيها
الروايه جت في النص وبقت ممله جدا
بعدين بقت حلوه جدا !!
مش قادره اتخيل الظلم اللي كان علي الانفار وازاي ساكتين عليه مع ان هم الاكتر مش السلطه
وازاي ده في الخمسينات !!!
حكايه الحقيبه دي بتبين لك اوي فساد اللي في ايدهم الحكم حتي لو علي صوره مصغره لانه في الواقع ده اللي بيحصل فعلا لانه مفيش شعب يحاسب
اكتر جزء كئبني من ساعه مادوروا علي طلعت
عجبني اوي التوريه اللي ف اجزاء كتيره من الكتاب زي حوار الورق واللي عملوه بيه

روايه حلوه. بس ممله شويه
اخيرا مثل مصري اصيل
يا فرعون ايه فرعنك ملقتش حد يلمني !!!!!!

الحياة بدون كاتشاب by أحمد القاضي, أحمد القاضي

2.0

أوتار الماء by محمد المخزنجي

3.0

الاول كده
انا مش فاهمه حاجات كتير
سقطت مني
بفضل اعيد الكلام !!!

الحلو بقي في الكتاب ده انه بيجيب لحظه واحده ويبني عليها قصه
افكاره جميله وعبقريه بجد
بيفكرني بادجار الان بو مع الفرق ان المخزنجي مش كاتب رعب

اًول علاقتي بكتب المخزنجي شوقتني ااقرا كتب تانيه
واللي شجعني اكتر مقالاته اللي في الشروق قبل الثوره
التقييم قليل عشان انا في حاجات مفهمتهاش

Sense and Sensibility by Jane Austen

4.0

الترجمه كرهتني في كل كتبها !!
روايه حلوه
حبيت الفيلم بس اختيار ابطاله كان سيء
الروايه فيها افكار كتير
احلي كتاب من كل كتبها في العمق
مثلا فكره الحب الاول والزواج التاني
فكره الفرق بين الاخوات في التصرفات ادوارد وروبرت
فكره ان الثروه لما تسيطر علي تفكير الناس بتبين اخلاقها اوي

افكار كتيره عميقه جداا
برافو عليها

ليتني امرأة عادية by هنوف الجاسر

1.0

عندنا احنا المصريين مثل بيقول هم يضحك وهم يبكي !!
انتي في الروايه دي ندمتيني اني قريت لكاتبه سعوديه
الروايه تافهه ببشاعه
لغتك حلوه وسردك حلو بس ضيعتي ده بانك عقلك فارغ
انتي بتحكي عن مراهقه مش واحده عندها ٢٨ سنه
الاول كده انتي حبيتي ناس عن طريق نت كانه ده حاجه طبيعيه ولا كام ده حب !!
بتنتقدي الستات اللي كل تفكيرهم بيتهم وبتقولي انهم اي واحده فيهم عاديه ! مع ان ده ممكن يكون مصدر سعادتهم وعظمتهم ! فريدن امرأه ااقل من العاديه لانها ارتضت بالحال اللي هي بتنتقده !
بعدين مهزومه عشان حبيبها اللي عمرها ما شافته قالها راجع يوم فرحها !
انا مش عارفه هي فعلا حياه السعوديات زي ما انتي مصورها كده وان اللي مش عادي فيهت علاقات النت دي !!!
بس الغريب ان لو في اي حد في ظروفك مش هيعمل ده !!
روايه تافهه لابعد حد مفروض تسميها مذكرات مراهقه تافهه !!!
الحياه فيها حاجات كتير غير نظرتك الضيقه دي !

قالت ضحى by بهاء طاهر

4.0

المره دي بهاء طاهر مع فكره جديده
فكره التقمص وفكره الانسان التايه
انا تايهه جدا زي البطل ده بالظبط
جلد الذات علي اخطاء زمان عنده هوايه زيي تمام
طيب الاول كده
انا لحد دلوقتي مش عارفه اسم البطل
تاني حاجه حلو جدا اسلوب المتكلم انه انا حاسه انه بيحكيلي انا بالظبط
انا تهت شويه في حتت اوزيس
كمان انا مش فاهمه ضحي ابدا ابدا
فاهمه البطل اوي وخايفه في الاخر اوصل لحالته
كمان سيد ده مثالي زياده اوي
امممممممم الحقيقه هو اتكلم بوضوح اوي عن مرض العدل المرض اللي موجود في كل الناس بس بدرجات متفاوته
كمان عن فتره الستينات وصفها بدقه اوي
فكره الحيه وراسها
فكره صحيحه اوي فكرتني باللي حصل مع ثوره ٢٥ يناير
اممممممممممم حلو الامل اللي ف الاخر بس ده اكدلي انها روايه لانه في الواقع مفيش امل !

مكتوب على الجبين by عبد الوهاب مطاوع

5.0

دايما لما بقرا كتاب لعبد الوهاب مطاوع بفكر ف الحكمه اللي بتقول ان كل من تؤلمه ضروسه يظن ان من لا يشكون من الام الاسنان سعداء !!
في رسائل حيرتني جدا مثلا الفكره الجريئه وانه عايزه جوزها يتجوز غيرها !!! انا بستغرب جدا من الناس اللي يغلطوا وعايزين من اللي قدامهم يحسوا بالندم عنهم !!!
ولا رساله الرجل اللي مراته عايزاه يتجوز غيرها يا يجي يقعد معاها ف البلد العربي !!
النفس الانسانيه محيراناي جدا !!!!!
وتقلب القلب واضح اوي في كل الرسائل دي !!
احيانا بفكر انه اللي بيخون ده انسان جبان وانا بكره الجبن جداااا
يعني لو انت مش قادر تستمر اتكلم بس مش تخون !!
وارجع وااقول ان كل ما الواحد يقرا عن هموم الناس كل ما يستتفه همومه !!!